زواااامل ومجاريات شعريه بين الشاعر علي سويدان العقيلي والشاعر علي محسن المسلماني والشاعر حسين شقران العقيلي

زواااامل ومجاريات شعريه بين الشاعر علي سويدان العقيلي والشاعر
علي محسن المسلماني والشاعر حسين شقران العقيلي
اتمنى ان تنال رضاكم


زامل الشاعر الكبير علي سويدان يقول فيه

من يشب النار متعمد الفتنه..
والتناحر والعداء والحساسيه..

بشره بالنار ياراعي الجنه..
ﻻيقول ان خلق ربي سواسيه..

لو الشهاده بلعمامه وبالدقنه..
كان اورباء في الرقوم القياسيه..

ماحدئ الشيعه عﻻ قتله السنه..
غير صناع القضاياء السياسيه..

وهذا جواب الشاعر حسين شقران العقيلي

لعنة الله ي عليهم مية لعنه
من يثيرون الفتن لقتباسيه

من سعا في ذبح مسلم وفي طعنه
وهدرو دم الجنود الحراسيه

مثل من يقتل خويه وذالك ابنه
لجل ماذا لجل اشيا خساسيه

ماحدا الشيعه وقل ماحدا السنه
غير حبك يالكراسي الرياسيه

مااورباء شعبها وين حن منه
مثل حيد الالب مابعد رواسيه

ويش جاب الزوم لاعالي الجفنه
مافلحنا في الصفوف الدراسيه

منهم نستورد الثوب والزنه
والعمايم والكوافي الخماسيه

والسكاكين المسنه وابوشحنه
ذي بها طالت قرون العراسيه

ومن قتل ماله كرمه سوا دفنه
بشره بالنار ماكثر ماأسيه

ومن يقول انه شهيدآ قطع لسنه
دين ربي له قواعد اساسيه

ياقهر قلبي عليهم وياغبنه
مايحسو ماتحسه حواسيه

وسط لقصاء الي المدافع يدكنه
الجهاد الصح للشيخ ناسيه

ليس في عمران والجوف والمتنه
لا ولا قي أبين وشبوه مراسيه

العدو المحتل ماحد غبي عنه
ذي علمهم فيه نجمه سداسيه

وهذا جواب الشاعر الكبير علي محسن المسلماني

يامراسل والرسايل لهاحنه
بالحروف الهادفه والحماسيه

قل لاخوفهد اتفق ظني وظنه
في نظرنا للامورالاساسيه

والوطن والطائفيات والغبنه
شرذمة تجار تخلق مئاسيه

دعمهم من حقل صافر ومن جنه
للمصالح عائدات انعكاسيه

اشعلوها حرب تغشاهم اللعنه
وافشلونا في مراحل دراسيه

والمواطن عشعش الجهل في ذهنه
في تخلف و اظطرابات نفسيه

والرجاءفي الله ذوالفضل والمنه
كل خاين بايزعزع كراسيه